黎明與樂基兒傳婚訊，與黎明因合演電影《江山美人》而成為好友的陳慧琳（Kelly），前晚在將軍澳電視廣播城出席慈善節目《博愛歡樂傳萬家》時，被問到黎明的婚訊，她竟說：「係呀！係呀！」
「冇蛛絲馬迹」
追問Kelly是否已知黎明要結婚時，她才正色說：「我係聽鍾珍（經理人）講話報紙出咗呢個消息，我唔八卦㗎！同佢拍戲嗰時完全冇蛛絲馬迹俾我覺得佢結婚喎！但聽到呢個傳聞都有啲驚訝，如果係真嘅話就恭喜佢。」
Kelly昨日又到旺角出席《江》片宣傳活動，與幾位小朋友一起製作復活蛋，她在蛋上畫臉譜後竟高呼：「係黎明個女。」引來全場大笑。
此外，由於黎明放假與女友外遊，近日只得Kelly獨撐《江》片宣傳活動，明晚的首映禮黎明和甄子丹均事先張揚缺席，Kelly指黎明早已聲明放大假，對於有傳甄子丹批評黎明武打戲差，Kelly說：「肯定唔係！對佢（甄子丹）嚟講，個個都屎㗎啦！」
採訪：卓寶花、魯萍 攝影：陳慧安