去年富貴揀job的周汶錡，昨日宣佈08年會強打天橋騷，並率先性感回歸演出在灣仔舉行的西武08春夏時裝騷，她更揚言無懼與19歲的Angelababy、過江龍白歆惠等模特兒新血競爭。
西武昨日在灣仔舉行2008春夏時裝騷，以年輕品牌作主打，如Moschinocheapandchic、PaulSmithBlack、GAS、Diesel、日牌CosmicWonder及新牌子Hoss等，30多套新裝洋溢一片繽紛春色，清新可人。
無懼後浪衝擊
周汶錡（Kathy）今年首度行時裝騷，即以性感低胸示人，她揚言08年會全面回歸時裝天橋，她說：「之前少做show，因為要focus出書、拍廣告，同喺台灣做嘢，今年會復工，做番多啲show。」
去年香港多了中台兩地模特兒及年輕新血如Angelababy，Kathy謂無懼競爭，她說：「唔怕，模特兒都係不斷要有新人出，Angelababy呢，大家係唔同路線，佢係甜姐兒嗰類，focus年輕人。」Kathy言下之意，即自己走性感路線？昨日她以bratop示人，她說：「唔係，我平時游水都會着比堅尼啦，今日唔係好性感啫。」周麗淇演的新劇被批評扮年輕，Kathy為妹妹解畫：「佢都係年輕人啦，咁做演員都要挑戰自己，不時都會扮老、扮細個，冇問題。」
張可頤唔捱得
張可頤昨日打頭陣及性感壓軸，她說：「好性感咩？都冇比堅尼，我好少接呢類騷，行騷當然冇拍戲咁習慣啦，不過，個人肥番，自信都番晒嚟！」她指現時只會做輕鬆工作，張可頤笑說：「我怕禽流感呀，因為健康第一，拍劇好辛苦㗎，要捱更抵夜。」
採訪、攝影：JessicaNgan
