郭羨妮與郭晉安首次合作拍攝無綫新劇《古靈精探》，郭羨妮對於自己未有與安仔傳緋聞，自言十分開心。對於以往的負面新聞，郭羨妮即懇求說：「你哋唔好再咁寫喇！畀個機會我。」身為拍檔的安仔更力撐女方，希望以自己的喜氣去帶旺她。
郭羨妮、胡定欣、朱慧敏、郭晉安、馬國明及黃長興等，昨日於將軍澳宣傳無綫新劇《古靈精探》，無綫安排幾位男藝員即場揹起女藝員大玩遊戲，最後男女藝員均要接受大懲罰，女藝員食芥末餅亁，男藝員則要被曬衫夾夾頭及面。
收視好請食飯
郭晉安與郭羨妮首次合作拍劇，安仔大讚女方，問到安仔是否憑自己人氣幫助郭羨妮一洗頹氣，他說：「我本身好旺女藝員，總之我唔旺自己都要旺佢。」其後郭羨妮得知安仔力撐後即說：「希望喇！多謝晒，總之收視好我一定會請食飯，食乜嘢都得。」對於自己終於有劇播出，是否代表洗底成功時，她說：「你哋唔好再咁寫喇！畀個機會我，總之希望大家睇完會開心。」
帶DV入產房
此外，郭晉安表示太太歐倩怡臨盆在即，自己的心情亦十分興奮，他說：「太太仲有一個月就生，我自己就乜嘢都準備好晒，好期待。雖然我哋都冇經驗，不過身邊好多朋友都有同我哋講，到時我仲會帶DV機入產房影，一定叉足電。」安仔更表示太太心情同樣興奮緊張，他說：「我希望佢可以再放鬆啲，所以𠵱家佢話食乜嘢我就陪佢食，盡量都會遷就佢。」
採訪：王崇穎
攝影：葉君海
