鍾欣桐（阿嬌）因為淫照事件毀形象，被《武俠梁祝》飛出局，電影公司昨日宣佈由蔡卓妍（阿Sa）頂上。阿嬌經理人霍汶希（Mani）被問到阿嬌到外國進修期間會否禁止麥浚龍（Juno）探望時，她表示不會，但問到朋友能否探望，她竟又說：「唔得。」看來Juno絕非阿嬌普通朋友咁簡單。
蔡卓妍和吳尊等昨日在灣仔會展出席「美亞．天下2008電影發佈會」，落實阿Sa接替鍾欣桐（阿嬌）與吳尊拍攝新片《武俠梁祝》。阿Sa表示該片其實早於去年9月已找她演出，但因與另一部《風雲II》撞期而推掉，由於《風》片肯遷就檔期，故再次接演《武》片。
唔禁Juno探望
阿Sa說：「梁祝係一個好感人嘅故事，好開心能夠拍到，今次第一次同吳尊合作，覺得佢好靚仔。」問她會否要求加咀戲時，身旁經理人霍汶希即插嘴說：「人哋女仔，點會主動要求！」盛傳阿嬌因為捲入淫照事件破壞形象而被飛出《武》片，但阿Sa卻指是阿嬌辭演：「呢個係阿嬌自己選擇，佢𠵱家放假，佢狀態未ready好。」
有傳阿嬌身在日本，但Mani聞言即否認道：「阿嬌喺香港，遲啲佢會出埠進修，學唱歌跳舞，去一個月左右，佢會靜靜雞去，唔想俾人騷擾。」問可會有護花使者同行時，Mani說：「我唔得閒去。」記者問麥浚龍會否陪阿嬌進修？Mani說：「係助手陪，冇其他人陪，但我冇嚴禁阿嬌做啲乜。」問會否禁止Juno探阿嬌時，Mani表示不會，但再問她若然有朋友想探阿嬌又如何時，她竟說：「唔得。」看來Juno絕非阿嬌一般朋友咁簡單。
網誌貼風景照
此外，繼日前一口氣貼出數日的網誌，又指自己正身處「Paradise」後，Juno昨日在網誌上即以「InParadise」為題上載另一張旅行風景相，把連日行蹤在網上公告，照片可看見一望無際的海洋，又有熱帶植物，從相片推斷他似乎正身在熱帶地區的小島上度假享受人生，而恰巧今天是Juno的24歲生日，未知他會否順道跟傳聞陪伴在側的阿嬌在島上慶祝生日?
採訪：魯萍
攝影：陳俊強
http://www.think-silly.com/juno/
