楊千嬅性格爽直且有點男仔頭，怎麼會跟化妝護膚品牌Shiseido扯上關係？誰不知千嬅人生第一支護膚品正是Shiseido的瘦面Cream，看來她們緣份真不淺！今次Shiseido找來千嬅擔任香港及中國區美白形象大使，以千嬅健康形象及她一臉白皙肌膚Sell美白，宣揚Shiseido的「美、透、白」概念正好貼題！
記者：陳諾堯
攝影：林栢鈞
朝早排尿＝排毒
千嬅一向出名有個人主見，說話很真很自然，用真情流露去形容她就最適合不過。訪問當日與她傾談有關護膚問題，通通有問必答，過程中學到唔少保養肌膚的心得，實用兼有趣。
蘋：蘋果日報
M：Miriam
蘋：有甚麼護膚心得和讀者分享呢？
M：我認為充足的水份最重要，越飲得多水越好，成日聽人講飲得水多會水腫，其實啱啱相反，我每朝必定飲兩大杯水，因為剛瞓醒時身體毒素最多，飲水可助排尿，亦即排毒，好有效㗎！
蘋：妳眼中的美白是怎樣的呢？
M：喺我心目中白裏透紅的肌膚係最靚！白得嚟面色紅潤，有血氣先為之Perfect。其實做運動可以幫助好多，血氣運行得好，面色自然白得嚟紅潤健康，又可以KeepFit，一舉兩得！我最怕自己曬黑後膚色唔均勻，所以都係白皙肌膚比較適合我。
蘋：妳有甚麼飲食習慣可令肌膚又靚又健康呢？
M：我比較鍾意食水份高嘅食物，少食煎炸油膩同刺激性嘅食物，但始終戒唔到咖啡，我𠵱家會飲DecafCoffee，即低咖啡因咖啡，希望將咖啡因的殺傷力減到最低，哈哈……
蘋：有甚麼護膚品是妳每日都不可缺少的呢？
M：絕對係防曬產品，不嬲都用開ShiseidoWhiteLucent嘅亮白護膚乳液，有防曬作用之餘又可以美白，用後皮膚又白又滑！仲有佢哋嘅按摩霜，經常按摩可令血氣運行更暢順，膚色均勻！因為我比較懶，所以我鍾意喺屋企做Mask多過去美容院，WhiteLucent嘅PaperMask最啱我。另外，我覺得氣候對皮膚的影響好嚴重，而Shiseido就經常推出新產品，幫助唔同環境肌膚的需要。
蘋：妳認為作為時代女性，護膚保養重要嗎？
M：當然重要。因為我覺得只要皮膚底子好的話，根本唔需要太多妝容。以前做護士嘅我好粗枝大葉，人哋話食燕窩對皮膚好，我就話食燕窩不如食蛋白！但隨住年齡增長，又成日要上鏡，深切明白護膚保養真係非常重要，越早Keep住自己年齡嘅Condition就越好，千祈唔好畀皮膚老過自己！
千嬅推介產品
亮白按摩霜$380
可促進肌膚新陳代謝，令美白成份和抑制色斑複合物更容易滲入肌膚。
亮白護膚乳液 SPF16PA+++$350
日間防護，可避免紫外線A、B和亁燥因素。
千嬅日本美白之旅
作為代言人，千嬅為了對Shiseido的美白概念有進一步了解，早前更遠赴日本，親身體會Shiseido的品牌哲學，這一趟美白旅程給她上了對美白護膚深刻的一課。
WhiteLucent新成份
眾所周知，Shiseido是美白先驅，繼1917年推出第一支美白產品開始，多年來不斷研製美白新科技，目的為每位女性都擁有美透白的肌膚。ShiseidoWhiteLucent系列早於04年發行，每年更新求變，更是全球率先發現色斑元凶是慢性微弱炎症的品牌。08年，WhiteLucent就加入了最新的抑制色斑複合物（SpotDeacti-Complex）和超卓抑制色斑複合物（SuperSpotDeacti-Complex），兩成份均可緩和慢性微弱炎症，令膚色更均勻、美白效果更持久。
亮白調色底霜SPF33PA+++各$330
有Ivory、Pink和Green三種色，配合不同膚質人士使用，含隱藏色斑粉末，可遮蓋黑斑和不均勻膚色。
亮白修護眼霜$390
千嬅至愛的眼霜，全新推出已經用完一支。修護眼霜可令黑眼圈明顯減退，且令眼部肌膚顏色更均勻。
全效亮白修護精華素$700
於早晚潔面和健膚後，搽上精華素，可預防和淡退色斑。
查詢：Shiseido（25252522）