多謝H&M，讓大家可用平民價一嚐高不可攀的Hi-endBrand虛榮滋味。繼KarlLagerfeld、StellaMcCartney、Viktor&Rolf、Madonna、RobertoCavalli之後，今年4月又有新的合作單位──以經典誇張鮮艷圖案著稱的芬蘭國寶Marimekko。未聽過這個旅遊書介紹芬蘭Shopping必有佢份、㗎妹勁Buy其花喱碌衫褲鞋襪手袋梳化水杯牆紙的Marimekko？請細心閱讀內文備課，兼睇定心水貨準備大量入手！
記者：葉雪芯
攝影：陳陶鈞
Model：Maryna@ModelManagement
Make-up&Hair：Filly
1961年設計的JoonasPattern，這個圖案曾經推出過梳化、燈罩、水杯等。
黑×白色貼身短裙$399
橙紅×桃紅色漁夫帽$149
藍×橙色背心（未定價）
橙紅×桃紅色HalterNeck長裙$499
總統夫人撐
H&M與各個大牌玩Crossover搞得有聲有色，今次拍上同樣與其他品牌合作無數的「北歐布王」Marimekko，兩位北歐交叉王相遇，惺惺相惜，一次過就推出超過50款男、女、童裝，相當誇張。不過誇張一向是Marimekko的招牌，由ArmiRatia及ViljoRatia創立的Marimekko，從1951年成立至今，一直以鮮艷色彩和奪目花花大圖案的印花彩布響朵，推出的產品有時裝、配飾、家品、布藝等等包羅萬有。H&M設計總監Ann-SofieJohansson開到口表明：「我們的設計團隊早已仰慕Marimekko鮮明的圖案和色調。」但講到伯樂，真是多得被譽為一代FashionIcon的前美國總統甘迺廸夫人JackieKennedy賞識，在六十年代美國總統大選時，一口氣換了多條Marimekko鮮艷裙子為丈夫撐場，立即被美國傳媒大肆報道，自此Marimekko一夜成名。雖然Marimekko一早已打響名堂，就連領導（香港）潮流的日本人都對Marimekko式圖案醉心情迷，在香港名字卻不算響噹噹，但一向欣賞能力極高的港人，加上H&M的親民價引誘，睇來Marimekko的鮮艷花花注定今個春夏在香港開花結果了！
六十年代珍藏圖選
近幾季懷舊風吹得興起，Marimekko的風格一向極有六、七十年代波希米亞風，今次H&M就在Marimekko六十年代收藏圖案當中，選取了不少經典圖案作設計，將系列命名為「TributetoMarimekko」，向Marimekko致敬。系列以經典圖案為基調，女裝有連身裙、束腰罩衫、短裙及短褲，連泳衣都有；男裝則有花恤衫與短褲；此外還有童裝和配飾如手袋、頭巾、手鈪等，通通4月10號全球同步發行，包括米蘭CorsoComo和倫敦DoverStreetMarket。快啲搵個日曆Mark低日子啦！
Podcast睇Marimekko×H&M對談
60歲的Marimekko唔落後，科技資訊新玩意一樣識玩，下兩個星期將會有Marimekko和H&M的設計師訪問短片在Podcast推出，講解今次合作的意念和詳情，有iPodTouch和iPod的潮人可以將片段下載慢慢睇，暫時未知實際推出日期，有興趣朋友記得要留意官方公佈了！
H&M（21109546）
中環皇后大道中68號
同場加映：DKNY都會艷色
多得懷舊風潮，今個春夏除了Marimekko的抽象大圖案Pattern大熱外，就連一向行都會簡約路線的DKNY都加入了帶有懷舊色彩的抽象Pattern行列。同樣以長裙為主，不過則加上了腰帶，風格優雅，很有女性味。
DKNY（21968300）
尖沙嘴柯士甸道西1號圓方1樓1085號舖