擁有化妝掃的數量，代表化妝的專業程度，我認為程度應該是這樣分的：10支以上，獎你高階之名；5支左右，算你有三兩下功夫，可到中階程度；1至3支？相信閣下仍是初哥。想化妝技巧升級，令妝容得人垂青，識運用化妝掃，就要懂得選購。今日晒冷各大品牌王牌化妝掃，兼跟住星級化妝師學揀，絕對有機會登上高階化妝寶座。
記者：郭佩韻
攝影：林栢鈞
Model：EricaYuen
Hair：Byran@LeSalon
以碎粉掃為首
一般來說，濕粉掃、碎粉掃、胭脂掃、眼影掃及唇掃，是為五大必備化妝掃。據星級化妝師Kenneth話若嫌太貴，化妝袋內亦絕不可缺濕粉掃及碎粉掃，而當中尤以碎粉掃最為重要。「化好妝後，以碎粉來定妝，碎粉只要輕輕一抹即可做到貼薄自然妝容，推介使用BobbiBrown碎粉掃，雖然價錢略貴，但耐用十年八年，毛質鬆軟，絕對值得。」咁講法掃粉掃絕對有畫龍點睛的功效。另外，Kenneth話因為化妝掃大部份是由人造纖維或動物毛製成，沾上粉底後，已被吸收了一部份，因此份量不會超出預算，所以上粉底液時亦建議以掃代手。
Kenneth推介
BobbiBrown散粉掃$520（e）
頗昂貴，掃頭以羊毛製成，質地鬆軟，掃毛細密，渾圓且中間突出，能夠均勻沾上碎粉。
最搶手
shuuemuraNatural18粉底化妝掃$360（a）
以天然豬鬃毛人手製造，掃毛質地軟而輕身，毛掃尖端未經修剪且纖細，比人造掃易上妝，亦比海綿更具遮瑕作用。
斷貨王
KESALANPATHARAN（KP）胭脂掃$620（b）
特別以灰鼠毛製成，罕有矜貴，掃毛密度高，呈圓拱形，大小適中，好fit東方人的面頰，香港經常斷貨，不時需向日本預訂。
星級推介
Becca遮瑕掃$225（c）
長度如鉛筆，以人造纖維製，掃頭細且毛質軟，微斜平頭，容易將遮瑕膏掃至均勻，是不少星級化妝師的至愛！
隨身帶
Dior唇掃$175（d）
伸縮扭動式設計，不易沾塵，外形小巧易攜帶，方便收藏，掃頭細而扁平，不同厚薄的唇形也合用。
順毛孔掃粉底
由於現今化妝潮流，不再興太厚太濃的妝容，所以若以手指上粉底，份量往往難以控制，相反，用濕粉掃塗粉底即可解決問題。除此之外，還有不同化妝掃的運用技巧，即偷師學嘢！
一Set買夠專業
化妝掃全套買，先叫專業，逾千元一套化妝掃，想不到照樣賣清光。好似新到港品牌Becca，全套化妝掃五支賣$1,125，一到港即一掃而空，某幾款更經已斷市，現在只可單支購買。另外，王菲及Sammi御用星級化妝師Zing，就為個人品牌ink推出化妝掃，市價全套賣$2,690，連羊皮化妝袋買則要$3,870，聽落好貴，但一樣大把人搶，皆因一睇就知專業，識貨之人自然願意乖乖付上金錢。
（上至下）眼影掃$280、碎粉掃$520、粉底液掃$395（c）
Becca化妝掃多以特別動物毛製造，如眼影及碎粉掃，以皖熊毛製，非常珍貴，毛質軟似絲綿，掃粉狀妝物效果極佳。
碎粉掃$800、胭脂掃$500（f）
ink全套化妝掃共11支，掃桿均以黑檀木製，當中以碎粉掃為王牌，純松鼠毛製，毛柔輕身。另外，掃頭呈微弧形的眼線掃，賣百五蚊，合乎自己畫眼線的手形，設計細心，果然貴得有道理。
星級化妝師Kenneth，教授化妝12年，剛開辦化妝學校，曾與多位明星及名模合作，如蔣怡、姚書軼、蔡少芬、李惠敏等，亦曾多次為LouisVuitton、Gucci等時裝滙演作指定化妝總監，最近為梁詠琪任化妝師，多次隨隊赴外國拍攝外景，並著有化妝散文相片集《華麗緣》。
查詢：
（a）shuuemura（25064283）
（b）KESALANPATHARAN（29180805）
（c）Becca（21110125）
（d）Dior（21100930）
（e）BobbiBrown（28318474）
（f）ink（21183651）