由被誤傳婚訊的黎明（Leon）和陳慧琳（Kelly）主演的電影《江山美人》，是陳慧琳入行以來拍攝的首齣武打戲，片中有一幕戲是描寫她與黎明一起採蜂蜜，原來拍攝時出動了真蜜蜂，幸好有養蜂人員在現場監場。
花名黎醫師
Kelly說：「為咗拍呢場戲，我哋之前唔敢用有香味嘅洗頭水同噴香水，因為啲蜜蜂會跟住啲香味，場戲講我整跌個蜜蜂巢，黎明同我就用衫遮住自己避開，不過拍攝時我一見啲蜜蜂飛嚟，就嚇到即刻跑開，跑得仲快過黎明。」又謂其後黎明安慰她說不必太驚，因為他會保護她。
Kelly又笑黎明有個花名叫「黎醫師」，她說：「因為無論要乜嘢藥黎明都一定有，我試過有皮膚敏感，都係用黎明嘅藥，不過佢自己拍戲受傷，但咁啱佢冇帶止痛藥喎！」
撰文：林妃