賭王何鴻燊四姨太梁安琪，早前為賭王陪三姨太到澳洲共度溫馨浪漫情人節而呷醋，雖然前晚保良慈善餐舞會上，賭王聲稱已經向四姨太補數，但四姨太卻大爆賭王只是請她到北京食填鴨，跟三姨太又到澳洲又收珍珠首飾可謂差天共地。
保良局慈善餐舞會前晚假灣仔君悅酒店舉行，出席喜賓包括特首曾蔭權、保良局主席陳小寶及其妹陳細潔、賭王何鴻燊及四姨太梁安琪、玩具大王蔡志明太太、李蘢怡和應屆港姐等等。
「加強預防措施」
前晚四姨太與賭王手拖手恩愛到場，她透露剛剛陪賭王到北京開政協會議返港，當記者問到四姨太復活節假期會否出外旅行時，她說：「未知，小朋友返晒嚟，加上流感，啲小朋友唔使返學。」四姨太表示現階段會安排小朋友進行補習，並強調會加強流感預防措施。
上月情人節，賭王陪三姨太到澳洲共享溫馨之餘，更送上珍珠首飾，令四姨太大為呷醋，揚言自己情人節當日要攬住枕頭跳舞，前晚問賭王是否已經向四姨太補番數時，賭王笑道：「有，補番數啦！」其時四姨太插嘴說：「冇所謂，何生咁忙！」究竟賭王怎樣補數？四姨太笑道：「咪去北京食填鴨囉。」
前晚舞會是保良局主席陳小寶卸任前最後一個活動，她表示卸任後將會到日本旅行，問流感對保良局之影響時，她說：「好多學校停課，不過，由於之前沙士經驗，好多小朋友家長都恐慌，但我哋都會加強預防措施。」
蔡志明愛女蔡加怡早前被雜誌影射涉及藝人淫照事件，蔡志明遂懸紅一億為愛女保清白，又入稟高院追究雜誌社，前晚蔡太表示一切已交由律師處理，並說：「始終細路女，20幾歲人俾人咁講唔係太好，會傷害到佢，希望唔好再有呢啲事發生。」
轉戰ball場增值
此外，李蘢怡前晚也有出席ball場派對，問她是否想結識多些人及轉戰ball場時，她說：「近期我都有去ball場，只係冇人影到之嘛。自己26歲，要投入社會、認識多啲人，只係想做多少公益事，同增值自己。」
採訪、攝影：卓寶花
