江山與美人自古以來都像很難共存，有不少君王會為美人放棄江山。到了現時江山與美人兩者在陳慧琳（Kelly）的心目中是可以共存的，因為Kelly已是一個美人兒，而且擁有自己的事業，又有長情男友劉建浩（Alex）相伴，事業愛情兩得意。 撰文：李珮洳
陳慧琳和黎明（Leon）都是樂壇的重量級歌手，二人於演藝事業上的成績不容置疑，近年他們在電影上有新嘗試，早前他們首次合作參演史詩式愛情動作電影《江山美人》。Kelly與Leon於戲中有場浪漫親吻戲，縱使他們已相識多年，但在拍攝過程中少不了有點緊張。
「冇同陌生人錫過」
對於第一次與Leon合作拍片，Kelly表示一點陌生的感覺也沒有，因為他們的唱片都是起用雷頌德（Mark）做監製，所以很多時都會在阿Mark的錄音室碰面，Kelly說：「我同Leon真係識咗好耐，音樂上有合作過，亦試過同台，不過電影上嘅合作今次就係第一次。」
在《江山美人》中，由Kelly飾演的燕飛兒公主被奸人所害而受傷，幸好得到由Leon飾演的段蘭泉出手相救。曾經是勇猛戰士的段蘭泉教識飛兒很多戰爭道理，自此兩人漸生情愫，故事發展到後來更有一場親吻戲。
Kelly透露一早已知與Leon有親吻戲，但她的心情仍很緊張，她說：「我緊張係因為我唔識得點錫呀，我又冇試過同陌生人錫過，嗰場戲我仲係要做比較主動嗰一方。我哋拍呢場咀嘴戲時，都問清楚導演要邊種感覺，要好激嗰隻，定係柔情又錫得有美感嗰種，最後就一take過拍完呢個kiss鏡頭，但係最唔自然係有三部攝影機喺唔同角度拍住我哋錫，咁你可想而知現場係有幾多人睇住啦。」
由於戲名為《江山美人》，問到Kelly在江山與美人兩者怎取捨，一直都以工作為先的Kelly，表示事業與愛情兩者她都想同時間擁有，她說：「我𠵱家比入行時已經冇咁忙啦，初時入行一年出三隻碟，又要成日飛，我已經盡量將兩件事去平衡。」
被追問婚期感激氣
近年有傳聞指Kelly快將嫁人，甚至已秘密結婚，她沒好氣地說：「我真係俾大家激死啦，你哋已經迫我結婚迫咗三年啦，總之大家見到我冇乜嘢問嘅時候，就會問我幾時結婚，一係就迫我結婚，我都唔知做乜個個都迫我嫁，總之工作同愛情都會兼顧得好好，唔使迫我揀是但一樣。」
大呻辛苦
「好彩冇拍到中暑」
Kelly表示《江山美人》是她入行以來拍得最辛苦的一部，一來這是一套古裝片，每日要穿上沉重的戲服，二來這是一套武打片，她要着住重重的盔甲打鬥。
飛天又騎馬
Kelly說：「淨係套盔甲都30、40磅，呢樣嘢真係最難頂，演唱會嘅衫有時都會鑲滿晒水晶好重，不過演唱會時我只係靚靚咁企喺度，𠵱家我就要好瀟灑咁打。而且我哋拍攝時北京係冇風同最熱嘅日子，最熱一日有40幾度，好彩冇拍到中暑咋。」雖然經歷過三個月的艱辛拍攝，Kelly揚言將來再有古裝武打片，她仍會考慮接拍，沒有因而被嚇怕。
Kelly坦言拍畢《江》片有一種畢業的感覺，她對於自己的表現有90分，她說：「今次又要飛天又要碌地，又要騎馬又要打，拍完呢套戲我覺得冇嘢可以難倒我啦，好似畢業一樣呀。」