城中富豪及馬主明嘉福本月2日因血癌復發病逝，昨日假聖約瑟教堂舉行安息彌撒，儀式完成後，遺體運往歌連臣角火葬場火化。城中名人李嘉誠、何鴻燊、呂志和、王穎妤、洪子晴、莊紹綏等均有出席彌撒致祭。
有份扶靈的莊紹綏直言痛失老友很傷心，最近有報道指傅明憲與他兒子莊家彬暗中交往兩年，問到是否知道此事，他說：「呢個我唔知啊！不過佢都20幾歲仔，都唔知點同佢講，所以我唔理咁多喇！」有報道指他反對兩人交往，他說：「佢𠵱家去咗北京，都唔知佢幾時返。」
洪子晴讚好好先生
另一致祭者洪子晴表示一直視明嘉福為哥哥，更稱他為「好好先生」，她說：「我係透過鄭裕彤認識佢，佢對朋友好好，之前1月底曾去醫院探過佢，當時佢精神狀況仲冇咁嚴重，仲認得我，但之後就一直昏迷。」
而何鴻燊形容明嘉福是一位相當好的「則師」，與他合作多年，因癌症去世非常可惜，他說：「佢份人冇乜所謂，好好玩，佢生前我都有同佢去過幾次旅行。」
採訪：林惠卿 攝影：仇志德
