黎明背女友樂基兒咀陳慧琳（Kelly）？珍珠都冇咁真！但說的是黎明和Kelly在電影《江山美人》中拍攝的一場接吻戲。日前黎明接受本報記者專訪時，直認鍾意Kelly，更大談與她咀嘴的滋味。
「鍾意先想錫落去」
黎明笑言拍接吻戲最重要是要遇到一個自己鍾意的對手，他說：「我講呢種鍾意，當然唔係男女之間嗰隻啦，起碼你鍾意對方你先至想錫落去。至於要拍呢場咀戲係合理嘅，因為去到嗰個moment好啱有呢場戲，當時情緒一到就拍到啦，如果呢個kiss鏡頭要拍幾個take，就一定冇咁自然冇咁真。」由於拍攝現場有大班工作人員，黎明要咀得投入就必須當其他人透明，他笑說：「換轉你錫嘅時候有十幾人睇住你，點會錫得自然呀？我咪當佢哋全部透明。」
《江》片是黎明入行以來拍得最辛苦的一部電影，原因是拍攝時天氣太熱，他最記得有一場戲要在密不透風的樹林來回狂奔100公尺數次，他苦笑道：「拍呢套戲係夏天，加上戲服又焗，真係不停咁流汗，雖然唔使埋位時，導演都叫工作人員用風扇吹住，但係都冇用。」
採訪：李珮洳