日本女星廣末涼子上周四宣佈離婚後，前日放咗一日假，喺家中同3歲囝囝宏志清靜度過。據知廣末喺上年12月已經下定決心離婚，仲拒絕一切雜誌訪問，以防被追問婚姻生活。而廣末嘅前夫岡澤高宏就盛傳已有新歡，自去年尾至今年初被目擊喺六本木一間夜店同一名身形高䠷、30多歲嘅女子態度親密。