選美出身嘅公仔箱姐仔「波子」，出道以嚟嘅演出機會真係唔少㗎，好似舊年嘅重頭劇《火鍋風暴》咁，佢都有份做㗎，加上身材好又唔吝嗇，肯着三點式上鏡，又成日笑咪咪咁，好有觀眾緣，梗係吸引好多廣告商自動搵上門，要簽波子做代言人或者拍廣告，但波子就唔珍惜機會，結果搞到俾客戶封殺。
列入黑名單
關仁聽講話波子成日扮親切笑咪咪，其實個人不知幾招積，當佢做咗好多美容產品同瘦身公司代言人之後，就開始現形玩失蹤，叫親佢出席宣傳活動，一係話唔得閒，一係就玩失約，變成一個紙板代言人，所以啲廣告公司聽見佢個名都怕怕，有啲公司約滿就唔同佢續約，有啲直情將佢列入黑名單，永不錄用㖭。
Textby關仁
