報紙憑內容吸引讀者,但都要印刷質素配合先至相得益彰,蘋果日報印刷有限公司同事話畀八方知,《蘋果》印刷水平獲國際肯定,贏得國際報業色彩品質協會(INCQC)會員資格(2008至2010年),係香港唯一得獎嘅報章。
呢項比賽由國際報業與傳媒商業科技協會、北美洲報業協會及太平洋區報業協會合辦,今年有創紀錄198份報章參賽,只有50份獲得國際報業色彩品質協會頒予兩年會員資格。今年係《蘋果》第三次攞獎。
據負責印刷嘅同事講,比賽評審準則好專業,包括印刷機設定、原料標準以及分色記錄等,評審團成員來自國際報業、出版業專業人士,行內甚具代表性。