快將50歲嘅樂壇天后麥當娜(Madonna),近日公開咗下月底推出嘅新碟《HardCandy》嘅封面造型。近年出席公開場合時都係皺紋暴現嘅佢,喺封面竟然身材同樣貌出眾,不得不佩服現今電腦嘅執相技巧。今次娜姐打扮成女拳手,又擘大腳展示女性剛強嘅一面,好唔好睇就見仁見智啦!另外佢同Justin合唱嘅新歌,將被採用成為洗頭水廣告歌,就有人話cheap咗少少。