曾執導《旺角揸Fit人》、《溶屍奇案》等電影的查傳誼導演，父親查良景昨天辭世，目前身在上海工作的查傳誼，昨日接受電話訪問時說：「爸爸今朝（昨天）起身覺得氣促，之後不省人事，屋企人即刻送爸爸入醫院，但已經唔得，走嗰時都好安詳同舒服，爸爸雖然90幾歲，但一向都冇乜病痛，只係年紀大身體衰弱啲，所以都走得好突然。」
趕返港送喪
查傳誼正在上海工作，遺憾父親離開時不在身邊，但他昨晚即趕返港協助辦理父親的身後事，阿查說：「有關喪禮一切嘅嘢仲未定，都要等我返到香港再同屋企人去傾，睇下點搞，爸爸有4個仔女，媽媽知道爸爸唔喺度心情當然唔好啦！不過始終年紀大，都係有啲心理準備。」
採訪：林妃