41歲的黎明和比他年輕14年的名模女友樂基兒熱戀3年，昨日突然傳出二人已於上周四在馬爾代夫秘密結婚，但兩人份屬的公司發言人昨日俱否認婚訊，黎明好友雷頌德也堅稱婚訊是流料。早前黎明接受本報記者專訪時，就強調會協調私生活及工作，不會為美人放棄江山。
昨日突然傳出黎明和樂基兒上周一低調飛往馬爾代夫，並於周四在當地舉行婚禮，出席者只有數名好友。不過與黎明共事多年的戰友兼死黨雷頌德，昨日卻身在香港錄音室工作，他在電話中推翻老友結婚傳聞，他說：「黎明結婚？邊度話㗎？唔係啦，佢去咗做嘢咋嘛，佢結婚我冇理由唔去啩？總之肯定唔係啦！」
稱樂基兒請假返學
黎明的AMusic唱片公司發言人梁小姐，昨日對黎明的婚訊一口否定說：「冇啲咁嘅事，唔回應。」樂基兒所屬的模特兒公司Calcarrie's負責人Joey也同樣否認說：「唔係，傳來傳去傳咗好多次啦，之前仲傳過佢大肚㖭，都唔係啦。」Joey表示公司無特別規定旗下模特兒不能結婚，他說：「樂基兒一向都請緊假返學，應該考完試，3月尾、4月頭會復工接job。」
41歲的黎明和27歲的樂基兒自05年被揭戀情後，感情發展一日千里，過去三年來多次連體出埠甜蜜旅行，愛的足迹踏遍日本、北京、美國及峇里島。
「冇事業冇人鍾意」
前年12月黎明生日時，曾偕女友到馬爾代夫慶祝，有指他們對當地美景一見鍾情，湊巧近日二人均有空檔，故有消息指他們確實結伴出埠，相信是因此而被誤傳婚訊。
早前黎明為宣傳電影《江山美人》接受本報記者專訪，被問到要江山還是愛美人時便說：「以前就有得揀江山同美人，𠵱家都冇咗江山呢回事，𠵱家係用事業嚟代替江山吖嘛，冇事業嘅人唔好話美人，連醜人都唔會鍾意你啦！古時嘅人可以話我唔要江山我要美人，但現代人唔可以咁做，個個都要有自己嘅事業，有自己嘅工作，呢個係一個現實生活。」
黎明又揚言會接受命運安排，他說：「我係一個藝人，工作其中一部份為製造娛樂性畀大家，畀唔同嘅選擇觀眾去揀，總之我接受咗自己係一個藝人嘅命運，我亦都會將工作同私生活去協調。」
舒淇：祝幸福快樂
對於工作，黎明總侃侃而談，但對感情則保持神秘，及至樂基兒闖入他生命後才改寫。曾與黎明發展7年地下情的舒淇，從未被黎明肯定女友地位，反而樂基兒則是他首度承認的女友，可見他對這段情何等重視。
記者昨日聯絡舒淇，她對舊愛黎明傳婚訊回應道：「如果是真的，是一件好事，我真誠希望他們像童話裏的王子、公主一樣幸福快樂！」
此外，衞蘭昨日在銅鑼灣出席時裝騷，她表示不知黎明的婚訊，她說：「係佢親口講先算喇！都冇話信唔信，係啱唔啱時間，最緊要開心，我一陣會返公司問吓，再sendSMS問佢。」
採訪：葉雪、李珮洳
