韋根嘅JJB爛地球場係敵軍「鬼見愁」？我呸！畢傑最唔認同啲靠旁門左道而非靠實力嘅球隊，贏都唔光彩；喺歐協盃留晒力嘅保頓，個個主力叉足電就係為博呢場護級大戰，周日呢班「閃電俠」嚟踩呢個爛場，有權玩轉JJB！畢傑
眾所周知，韋根嘅JJB球場係同欖球隊共用，所以搞到草頭多、爛地多，上周強如阿仙奴都要喺呢度賽和0:0失分。不過有一個重點好緊要，阿仙奴最擅長打地面戰術組織，當然會受爛地影響發揮；之但係保頓班波踢慣高Q大棍，大腳長傳入禁區湧吓湧吓數糊，使鬼同你哋打地面推進，爛地對佢哋影響其實唔大囉！
擺明留力棄歐協盃
再講，韋根近10場聯賽都係贏過3場咁大把，仲要兩場係對榜尾打比郡，一場係對近期積弱嘅韋斯咸，戰績冇乜說服力。佢哋最近借走咗後衞格蘭基斯去希爾星堡，唔緊要；最重要係前鋒希斯基上場對阿仙奴時受傷，星期日臨場要檢驗後先知踢唔踢到。
暫排尾3嘅保頓目標好鮮明，就係要護級，佢哋明知歐協盃出線機會渺茫，於是周四16強次回合收起咗12名A隊成員，只帶18人出征士砵亭，隨隊嘅大部份都係𡃁仔多，其餘嘅只係希古臣、簡拿高普路斯同華斯廸呢啲邊緣球員。嘩！冇去里斯本嘅主力多咯，奇雲戴維斯、廸奧夫、甘普、史甸臣、奧拜恩、馬菲泰萊同麥肯（次回合停賽）等數都數唔晒，上述幾位要員仲唔個個叉足電化身「閃電俠」？擺明博呢場啦！
路蘭傷癒隨時候命
保頓𠵱家剩番門將積亞基連倫一個傷兵，隊長路蘭聽講都可以傷癒，呢場護級戰梗要佢哋受讓平/半嘅下盤。〈早飛王〉翻身戰睇呢鋪，對畢傑有意見嘅讀者不妨上我哋〈球蘋家〉留吓言，網址係 http://hk.myblog.yahoo.com/appleballmen，多謝支持。
早飛王貼士
星期日20韋根vs保頓
首選：保頓（下）
次選：保頓勝（3）
冷選：保頓勝2:1（9）
《周末早飛超級重心》
信莊家要韋斯咸上盤
星期六21
韋斯咸vs布力般流浪2:1（8倍）
韋斯咸今周有葡萄牙中場般莫廸停賽，加比頓、比拿美及占士哥連斯等續養傷，但艾法寧頓及厄遜等或可復出。韋咸已連輸3場0:4，但近6次迎戰布力般流浪錄得全勝，讓平/半尚算合理。客軍布力般近期演出不俗，分別勝保頓及紐卡素，今周更或有彼德及賴恩尼爾遜傷癒復出，幾近「夫添」。不過我信莊家眼光，要上盤。
吼阿仙奴「主勝」、「大」
星期六51
阿仙奴vs米杜士堡4:1（14倍）
阿仙奴科特廸瓦國腳伊保爾剛坐完3場波監，今周可復任正選，而高路托尼及桑治等亦已傷癒，只餘禾確特、伊度亞度達施華及路斯基因傷避戰。「兵工廠」已3場聯賽不勝，今役迎戰米杜士堡隨時大開殺戒，「主勝」及「大」要捧。米杜士堡雖可強陣出戰，但近年作客阿仙奴多冇好下場，曾慘敗過0:7、3:5、以及兩次負1:4。
曼城熱刺和味濃
星期日22
曼城vs熱刺1:1（6.5倍）
曼城近期持續不振，上周作客淨吞雷丁兩蛋，全場攻力一般，已連續3場不勝兼0入球；今周續有保加利亞翼鋒馬田柏杜夫停賽，守將米卡李察士仍要養傷，平手都要唔過。熱刺剛於周中歐協盃出局，更要戰至120分鐘後再於12碼階段不敵燕豪芬，體力及士氣俱受損；至於加里夫巴利及伊高圖續養傷，是役和味濃。