石修兒子陳宇琛（Sam）甚有設計天份，早年在大學主修建築，他最近親自設計和製造銀器飾物，先在網上出售，參加了上星期在香港舉行的大型珠寶首飾展覽，並吸納了歐美買家落訂單，拓展海外巿場。
陳宇琛早年在英國大學主修建築，因為熱愛音樂和演戲，畢業後於02年加盟無綫，不過發展平平。阿Sam自幼在外國長大，打扮趨時，平時最愛佩戴銀器飾物，去年中更抽空報讀中大校外課程，學習製造銀器飾物，經過導師指導，他成功製成了自己第一件骷髏頭造型的銀戒指，甚有滿足感，令他萌生經營生意的意念。
網上試市場
阿Sam明白年輕人要多嘗試，拍劇以外，他積極籌備在網上（網址： http://www.llazybonez.com）售賣自家設計品牌銀器飾物，經過半年努力，他斥資六位數字在火炭一座廠廈購入一個面積700多平方呎的單位，親自裝修設計成自家品牌銀首飾的陳列室。阿Sam更替品牌命名為LLazy-Bonez，他說：「呢個名中文就譯做懶骨頭，有時我都覺自己幾懶，咪幽自己一默囉！」其實阿Sam由着手籌備，以至設計飾物都親力親為，有時甚至通宵達旦趕工親手製模，並不是懶骨頭呢！
短短半年間，阿Sam已經設計和製造了過百款銀器頸鏈、手鏈和戒指，有些設計更鑲上寶石，都是年輕人的潮物，飾物由數百元至數千元都有，稍後還會設計手錶。
石修生招牌
阿Sam續說：「𠵱家生意啱啱開始，我主要做住網上訂購先，我上星期參加咗喺會展舉行嘅珠寶首飾展，順利吸引到歐美國家嘅買家，佢哋仲訂咗啲貨㖭，都算達成初步目標，向外地市場進發。」
問到阿Sam可有把製成品與爹哋石修分享？他說：「初時爹哋怕太新潮唔肯戴，後來佢見襯衫幾好睇又型，𠵱家都好鍾意。搞展覽嗰幾日爹哋啱啱要開工拍嘢，唔得閒嚟捧我場，不過佢都有同我打氣。」
懶骨頭誕生三部曲
