淫照風暴發生後，張栢芝與謝霆鋒成追訪目標，先後有傳二人離婚、栢芝懷孕及狄波拉杯葛新抱等報道，栢芝一直避見傳媒，令奶奶拉姑慘成追訪目標，她也因此而關了手提電話兩個多月。拉姑昨日終於忍無可忍，於短短10分鐘的電台訪問便說了五次「我好辛苦」，更承認看了幾次心理醫生。
張栢芝捲入藝人淫照事件後，奶奶狄波拉連月飽受被傳媒追訪的壓力，昨日她終按捺不住接受商台訪問，就霆鋒夫婦一事作回應，決定將事件交給律師處理。拉姑坦言入行幾十年未試過找律師，至於會否出禁制令，則要由律師決定。
「我覺得好辛苦」
拉姑認為栢芝有沒有懷孕是他們夫婦的事，不明白為何要由奶奶回應，她說：「有乜事發生咪問佢兩個，唔好要我老人家夾喺中間，左右為難，喺街一撞到記者就二、三十人衝埋嚟，搞到我好似罪犯咁，我覺得好辛苦，畀我做番正常人，好辛苦。」
對於被窮追猛打，拉姑說：「我睇咗幾次醫生，係心理醫生，真係，連心晴大使林建明都打幾次電話畀我話我需要幫忙。」拉姑訴苦每逢出街都覺得隨時有人衝埋身，她說：「我真係好辛苦，真係好辛苦！希望大家放過我。」
此外，霆鋒好友蘇永康昨日到商台接受訪問，得知拉姑飽受壓力而精神困擾，他說：「拉姑已經係長輩中嘅高人，唔只淨係為咗阿仔嘅事困擾㗎！」當記者指拉姑是受霆鋒及栢芝的事而困擾，康仔謂希望大家體諒藝人情緒。
「適當時間放阿嬌」
問到栢芝是否應該露面回應？康仔說：「唔好以為講兩句就搞掂，唔好將自己價值觀放喺人度，當事人舒服就得。」他希望事件快些平息。此外，吳雨昨日接受電台電話訪問時，被問及阿嬌事件令公司損失多少，吳雨說：「係暫時影響，事情要睇落去，等大家畀機會，視乎大家接受能力，具體決定仲諗緊，到適當時間先放番阿嬌出嚟。」
採訪：馬建華