自陳冠希引發的淫照風暴以來，莊思敏每次提到有關事件都語出驚人。最近她與男友吳浩康的合照於網上出現，被問到二人有沒有收藏親密合照，她又舊事重提，還指不會把電腦拿到維修站整理，明寸陳冠希。
莊思敏、李彩華（Rain）和官恩娜（Ella）昨天出席觀塘一個商場活動，三人穿上由氣球砌成的氣球衣服行catwalk，當中以莊思敏的一套泳裝最性感，她以bratop打底。而Ella穿上low-cut裝扮演森巴女郎，最後Rain則頭頂戴粉紅波扮兔仔應節。
李彩華坐爆波
最近吳浩康和莊思敏私人合照曝光，她說：「我都想知邊個係真兇，嗰日係妹妹生日包場玩，所以影嘅都應該係佢朋友，我有問過阿妹，不過啲相都冇乜特別，只係一張大合照我哋企埋一齊。」記者問到二人感情是否寧願被人知莫被人見，她說：「個個都係咁㗎，知還知囉﹗」至於二人可否在家收藏很多親暱合照，莊思敏即語帶雙關地說：「冇，𠵱家唔好拎部電腦去整。都有正常合照，但冇咀、冇意識不良、三級嘢。我唔敢，同埋冇興趣影。」
另外，Rain和Ella見到莊思敏的一套衫很性感，但不敢試穿，Ella還說：「多啲波好啲，不過套套衫都各有味道，我入面都有着打底衫。」但Ella所穿的衫，令她顯得較大隻，她說：「因為氣球脹卜卜先可愛，着呢件衫都幾大陣仗，足足着咗一個鐘。」而Rain曾忘記穿了氣球衫，當坐下來時屁股位置的氣球爆了。
採訪：王連連
攝影：陳順禎
