〈球蘋家〉推出超過一個月，得到各界球迷支持，我蘋波人都好開心，本Blog周四開始增加新欄目「你的意見」；各位對本報體育版有甚麼意見，歡迎發表。
講番周中比賽，戰果都暴冷暴熱，如果跟本報名家華度，相信都有「肉食」；華度兄周二先中錫周三同利物浦「客勝」，連費蘭度托利斯首球都中埋；周三就輪到Blog友「樂神」威威，推介喜伯年主W、飛燕諾下盤同漢堡大都中到應，只是阿士東維拉主W失威，推4中3，我幾時都話本報讀者卧虎藏龍，如果大家都有好心水，唔好吝嗇，多啲上嚟〈球蘋家〉發表意見。
即場來料：4名家又得手！
《華度周二中F托首球》
利物浦入波先真係博得過，呢場牌面睇，斷估，阿賓尼廸斯都會打控球在腳穩守波啩，打個反擊，費蘭度托利斯有速度有膽色，有機會呀！
結果：國際米蘭0:1利物浦
首名入球：費蘭度托利斯（7.5倍）
《畢傑中正周日西甲大細》
最有信心兩場係畢爾包細同西維爾大...我知賠率係好熱...但叫做好穩陣。
結果：畢爾包2:0華拉度列、
西維爾2:1利雲特
《藍鑽石中祖記上盤》
講到今日夜場，祖記作客贏到熱拿亞，趁少讓平/半早捧上盤。
結果：熱拿亞0:2祖雲達斯
《青蛙仔中韋根「主勝」》
剛在日聯推介東京綠茵「客勝」得手，一於信自己，今晚英超扒冷，博韋根迎阿仙奴可保不敗，要「主勝」。
結果：韋根0:0阿仙奴
有獎遊戲：F托利斯仲有冇貨？
利物浦前鋒費蘭度托利斯（F托利斯）近5場轟入8粒；周六紅軍主場面對防守力一般的雷丁，F托入球又係唔係易如反掌呢？大家嚟球蘋家blog估下佢入幾多球，截止時間為周六10:00pm，答中即送你Niketee一件，名額3位。
第5期答案：法比加斯
得獎者：Valentine、九龍人、
Mrtall
本報將另行通知得獎者取獎品方法
http://hk.myblog.yahoo.com/appleballmen
星期一 賽後蘋論
英超一輪激戰，畀你馬後炮發言機會
星期二 最佳選蘋
星期三 即場來料
意甲開夜車，本報名家亦為你開夜車
星期四 有獎遊戲
自問足球迷，豐富獎品等你攞
星期六、日
大戰連場，名家即場為你指點迷津