有苦自己知，天生無鼻樑兼臉扁，眼鏡戴唔夠幾分鐘就跣落嚟，所以明明有150度近視，死都不戴眼鏡。不過最近在YouTube看到AlainMikli的夫妻檔Venessa和Mehdi設計了一系列可調校角度的眼鏡，鏡臂可調校上下傾斜角度5度，由於物料是柔軟的鈦金屬，鼻托還可按出適合鼻形的形狀，解決咗「跣鏡」的問題。其中一個設計去年仲得到了法國眼鏡設計師夢寐以求的「Silmo最佳時尚設計獎」。不過對於四眼人士的最大喜訊是這系列的眼鏡今個月尾在香港發售喇！
早幾日兩位大師訪港，小記有機會同兩位傾傾偈，Mehdi說：「呢個系列係我哋第一個以自己名字命名的系列，做了眼鏡咁多年，第一次參賽就拎到呢個獎，開心之餘簡直係Unbelievable！」原來咁特別的鏡臂設計，靈感來自昆蟲靈活的骨骼和優雅的線條，Vanessa話，每個人的面形都有些少不對稱，他們這款設計就算輪廓不夠突出的亞洲人都一樣戴得貼服！
查詢：
AlainMikli（27771186）
又一城LG266號舖