第四屆中國國際動漫節將於下月喺杭州舉行，香港動漫代表李曼筠（動漫Maggie）、亞視藝員呂晶晶、黃倩婷、曾敏同埋吳芳等，噚日去尖沙嘴出席活動推廣會，佢哋一齊以不同動漫人物造型出現，扮演神奇女俠嘅動漫Maggie，聯同一眾藝員登上大會準備的開篷巴士，到油尖旺區作巡遊。「神奇女俠」甫登上巴士，已吸引數十拍友企喺馬路邊狂影，情況幾混亂。
「上圍冇縮到」
又難怪啲拍友瘋狂影相，動漫Maggie未換上神奇女俠服飾時，以一襲低胸短裙示人，佢話擔心走光，所以做足防走光措施。點知佢上到車，可能衣不稱身，件女俠衫慢慢跣落嚟，不慎走光，但佢自己可能唔知，只係喺人唔為意時抽番高件衫。動漫Maggie透露啲同事最近不斷迫佢進食增肥，佢話：「之前狂減肥，足足瘦咗十幾磅，上圍就冇縮到，公司怕我有厭食症，所以每日都迫我食嘢。」