筆者剛喺日本旅行返嚟，少不免會留意一吓當地的足球雜誌，曾經對日本足球雜誌有濃厚興趣，雖然對裏面嘅內容唔多明白，但起碼睇相已經相當吸引，而戰術圖亦造得好仔細，𠵱家更加用到電視圖片，用3至4格分析個別攻勢，認真非常。講到戰術，亦有一本係專門分析足球戰術，而且內裏更附送球場圖，畀讀者自己畫埋攻勢圖，參與埋一份。
至於今周推介曼聯，作客打比郡肯定有得炒，後者剛剛大敗畀車路士，相信守唔住為咗爭聯賽錦標嘅紅魔鬼，一於博曼聯大炒一場，贏得輕鬆。
讓球主客和：曼聯[-2]
心得：曼聯爭冠冇留手
近5場往績：輸輸走輸贏
戰鬥員A
平手盤捧主隊續係今季宗旨，想避免中鬼盤？留意我阿A啦！