呢個世界做咩都講timing，好似流感病菌來勢洶洶，喺政府未做嘢前，藍鑽石身邊唔少為人父母者已率先做嘢，提早畀仔女放假，等政府落order至跟？咪玩啦！國際米蘭教練文仙尼未深思熟慮就發表辭職言論，搞到自己難落台；明明來得安去夠灑脫，型爆，點知一記回馬槍刺得佢嘅迷哥迷姐心碎，明顯又係timing有問題。
貼波都要講timing，之前紐記對強隊受讓輸晒，禮拜一作客受讓實力份屬同級嘅伯明翰，下盤客要把握時機啦。不過，話晒今明兩日咁多波，咁快講周一波係有啲反高潮，所以退而求其次揀阿仙奴「主勝」。
蘋果波神話我同阿仙奴冇緣，但今晚對米堡又真係筍，兵工廠連和3場後，係時候炒番場向捧場客交代啦！
讓球主客和：阿仙奴勝[-1]
心得：記住撐埋紐記反底
近5場往績：贏輸贏輸贏
藍鑽石
忙於為與簡拿華路同日生的囡囡換片、掃風，但睇意甲，一場都不能少。