本港大型超級市場惠康，最近率先引入咗首批符合Euro5環保條例嘅Mercedes-BenzAtego貨車，用以取代較舊嘅車款。今次惠康所訂購嘅35部符合Euro5環保條例嘅Mercedes-BenzAtego1624L貨車，雖然造型同傳統嘅Atego貨車無太大分別，但由於採用咗廠方最新嘅BlueTec技術，車上配備咗大型催化器兼同尿素缸相連，所以廢氣喺排出前會先經過催化器。行車電腦亦會因應廢氣嘅污染程度，噴出適量嘅尿素嚟混合中和，以求令排出嘅廢氣可符合Euro5嘅排放標準。另根據資料顯示，當首批11部Euro5貨車投入服務之後，同用同數量的Euro1貨車相比，每年足可減少共達104噸嘅空氣污染物。
記者：鄭達基
車尾有好大句嘅口號，話畀你聽佢係全港首部Euro5貨車！