跟開我貼士嘅波友，都知道我喺重心地盤英冠嘅貼士係有迹可尋，現時目標球隊已不多於5隊，好似上周貼史篤城W開和，全軍覆沒；不過肯耐心如我在周中擂台追多次，即可本利歸還；今次推介，由印度鋼鐵大王打造嘅昆士柏流浪，亦屬近期熟口熟面嘅心儀球隊，仍向前6之夢進發，財雄勢大，匆匆再在主場出戰魚腩斯肯索普，主W1.72倍穩開。
昆軍水頭足成績飛升
上月13日，我推介昆軍上盤贏錫菲聯，結果開和輸半格；一個月後計至周中3:2擊敗黑池，他們聯賽錄得2勝2和1負，已升至13位，與排第6位的侯城僅距8分，回想季初頭兩個月包尾，到現在飛升，全靠比阿巴莫域治更有錢嘅印度鋼鐵大王米塔爾入主嘅成果。周中一度以3球領先同級黑池，最後失兩球仍贏3:2可說有驚無險，但早段氣勢之強，更令確認他們屬可續追嘅英冠銀行球隊，據報該役坐上客更有加納皇帝及皇馬會長卡特朗觀戰，這支英冠球隊絕不簡單。
捧愛隊史篤城「客勝」
賽期頻密，兵厚兼續有主場之利嘅昆軍着數，加上對手為長期排尾二嘅斯肯索普，周中主場爆冷一球打敗普利茅夫，帶點幸運成份；再翻查斯軍今季作客差不多全敗於中上排名球隊，遇強即縮，今次難擋正在變身嘅主隊。
另一注想博車仔單W，但用古廸仙尼常失波，今作客到主場有一定實力嘅新特蘭，入球大可敲；另愛隊史篤城剛借得狼隊箭頭保夫萊特，受讓同級屈福特一球，「讓球主客和」「客勝」穩開；再配用主將齊復出嘅阿仙奴「大」炒米堡守尾關。
近5場往績：輸贏輸贏贏
蘋果波神
英超波癡有一個心願，5月話你知！