學上個禮拜戰友藍鑽石話齋，近期又話流感高峯期、又多醫療事故，都咪話唔驚又心噏。最近我更有個親人，因為個腦有事送院。佢正值壯年，平時又冇乜病痛，今次事出真係好突然，希望佢可以大步檻過啦。
可能因為有唔開心嘅事發生，搞到個人最近貼波都冇乜心機，喺〈開倉版〉仲已經3連輸。有見及此，今次一於推介日聯浦和紅鑽可以順利擊敗名古屋鯨魚，貪紅鑽質高兼未開齋之餘，亦因為佢哋嘅波衫夠紅、隊波亦星光熠熠夠閃，用嚟冲喜就最啱。
主客和：浦和紅鑽勝
心得：搵隊又紅又閃嘅嚟冲喜
近5場往績：輸輸輸贏輸
吾中
買嘢講名牌，但賭波一定唔會做名牌奴隸嘅大聯盟女神。