做我哋呢行，為了遷就睇深夜直播，久而久之休息時間都同歐洲時間接軌；平時冇下晝1點都唔會起身，放工返屋企大約凌晨兩點幾，食個消夜睇吓波，大約5、6點入夢。
「老麥」好似睇中我呢啲為食夜鬼，剛剛推出「足幾両」漢堡包，星期二就一邊睇歐聯一邊食包，無錯係啖啖肉，不過就好肥膩，滯到6點都瞓唔着；再睇吓個懷胎都有5個月嘅肚腩，「足幾両」都係可一不可再。其實足球員都有唔少肥仔，好似熱刺嘅侯度史東，小弟就好欣賞佢，周日作客「冇王管」嘅曼城，我撐肥東。
讓球：熱刺（平）
心得：曼城冇王管
近5場往績：輸贏輸贏贏
牽牛
施丹退休，頓感失落，期待阿仙奴的法比加斯他朝有此神乎奇技。