唐詩詠入行4年，拍過11套青春劇，大家都不覺得奇怪，皆因她的確年輕貌美，做青春劇一定入型入格，但估不到的是，原來她經常飾演大肚婆，日前她便透露扮過4次大肚，但並非每個都天真和儍，《最美麗的第七天》中Sasa一角便不是！
在無綫劇集《最美麗的第七天》中，唐詩詠飾演開朗又爽直，卻不天真又不儍的少女，日前她接受訪問時說：「因為個角色做每件事係有目標去做，所以唔天真又唔儍，係一個死硬派，唔會顧後果，係咁衝，就因為咁樣，喺劇入面會有咗Bosco（黃宗澤）嘅骨肉。」
由於並非第一次做大肚婆，唐詩詠表示演繹角色並不困難，最難是角色所帶出的訊息，她說：「之前我做過三次大肚婆，最後BB都冇出世，今次呢套終於生得出。我覺得呢種角色要小心處理，尤其係電視劇，因為入屋，影響會好大，就算係做未婚媽媽，都要帶一個正面積極嘅訊息畀下一代。」
藝人要負責任
最近藝人的負面新聞多籮籮，要做一個健康藝人，應該抱着甚麼態度？唐詩詠認為要有責任感，她說：「好多年輕人會當你係模仿對象，細路仔會問點解姐姐做得，我係咪都可以做？就算之前冇事發生，經理人都會同我哋講唔好成日去玩，第一件事係做好呢份工。」
採訪：楊潔雯
攝影：陳順禎
服裝提供： http://www.izzue.com
場地提供：又一泰
