蘇超榜尾基特拿升班後負面新聞多多，領隊阿歷山大先因黑金風暴落台；該升班馬因球場細過旺角場而唔符合超聯資格，要同附近嘅馬瑟韋爾共用球場。半季後，領隊艾朗斯率先帶埋助教跳槽，球會1月陷財政危機，放棄逾10名球員，可憐唔做醫手做波牛嘅射手德查，冬季上錯賊船，踢咗兩個月急急越洋搵美金，及後主席腦部感染入院，人工拖住，人人自危。
如今球會被扣10分，球員獲允自由離隊，何其哀哉！但基特拿對手鴨巴甸要踢蘇足盃重賽，隨時爆冷。哎，心水係喜伯年。
讓球主客和：喜伯年勝[-1]
心得：喜伯年由熊變牛誓殺「馬」
近5場往績：輸輸贏贏輸
阿呢斯奧
麻甩瘋漢，堅持踎低可以噴米粉；深信唔賭唔知時辰到，唔睇唔知邊隊好。