Chanel前晚盛會上，港台兩地女星代表中，以陳慧琳（Kelly）風頭最盛，侯佩岑則最早到場。讀設計出身的Kelly，大讚展場說：「好有超越時空嘅感覺。」將來不做明星，可會搞藝術？她即說：「吓！做藝術搵唔到錢喎，我都要食飯㗎，我冇咁儍，唔可以淨係畫畫，搵錢都好緊要，如果要阿媽都擔心你開飯就唔好啦。」
「𠵱家夠食」
Kelly慶幸能入娛樂圈，更成為圈中小富婆，問她夠食未？她笑笑說：「𠵱家夠食喇。」有記者指做藝人都可以很窮，她即精靈地說：「多謝老天爺，多謝老佛爺，我可以食多幾餐。」
侯佩岑也大賣口乖說：「對每個女性，擁有Chanel是一個dream。」問她可想成為Chanel代言人？她說：「平時能穿到就足夠，我第一個Chanel包包是媽媽送的舊包，但至今也很美，Chanel潮流從來不變。」