王敏德（右）前晚一支公現身跑馬地，滿面鬚渣嘅佢一身牛記笠記，到以前張栢芝成日幫襯嘅蓮園甜品買外賣，但王敏德唔係買糖水，而係買10蚊四個嘅蛋撻，見佢同店中阿叔相當熟落，畀咗錢拎住袋外賣都未捨得走，同阿叔雞啄唔斷，傾完後佢至行去附近搭的士。王敏德家有嬌妻同三個仔女，唔知四個蛋撻係咪要嚟慰妻兒呢？