【本報訊】南華5月25日主辦兩場外隊表演賽有最新進展，足主羅傑承昨日回應：「搞就一定搞，目前有4個目標傾緊，最快下周一落實。」據了解，兩個名額以熱刺呼聲最高，其次為祖雲達斯、紐卡素及樸茨茅夫。
南華結束與洛杉磯銀河的表演賽後，最近正積極籌辦於5月下旬假香港大球場踢表演賽，而且破天荒由同一球會與兩支外隊交手，賽事暫定安排頭尾場，而南華球員將會兵分兩路，嘗試同一日挑戰兩支歐洲勁旅。據了解，南華今次物色的外隊，由最初的6個目標收窄至最近的祖雲達斯、熱刺、紐卡素及樸茨茅夫。
事實上，4隊斟介的球隊中，祖雲達斯、紐卡素及樸茨茅夫近年曾先後到訪香港，新鮮感稍遜令號召力下降。至於擁有貝碧托夫、羅比堅尼及多名英格蘭國腳助陣的熱刺，由於隊中大部份主力均不用應付6月展開的歐洲國家盃，來港人腳會較有保證。加上羅傑承多次在南華官方部落留言表示，熱刺是繼愛隊曼聯後，其中一支自己喜愛的球隊，相信成事機會最大。
下周一或有具體消息
對於被問及熱刺訪港一事，羅傑承回應說：「𠵱家唔講得住，因為對方知道你有心請佢哋嚟，就會隨時增加戲金。呢幾日我積極跟進這次表演賽，下星期南華去馬爾代夫踢亞協盃，我都無時間一齊去。希望下星期一，可以有具體消息向外界公佈。」