鍾欣桐（阿嬌）和蔡卓妍（阿Sa）組成Twins7年，不時傳出拆夥，公司每次均以市場主導及觀眾需求為由解釋。但自淫照風暴後，阿嬌頻頻缺席公開活動，前晚阿Sa膽戰心驚獨自出席頒獎禮，代Twins領三獎，言語間更暗示Twins的合作形式將有變化。
中港澳11間電台合辦的「9+2音樂先鋒榜2007」年度頒獎禮前晚假會展舉行，Twins成員鍾欣桐正在休假，剩下好姊妹蔡卓妍獨自領獎。平日笑容滿臉的阿Sa整晚顯得滿懷心事，她領過3個獎後說：「很想說，雖然前面的路確實很難行，我們會努力走下去。」隨後便唱出自己作品《妹妹》，現場數十fans舉起「Twins」及「Sa」字樣燈牌，惟獨未見「嬌」的燈牌出現。
唔習慣唔適應
慶功宴上，阿Sa成為追訪焦點，要由經理人霍汶希（Mani）貼身傍實她。阿Sa承認未上台經已全身震，頒獎禮前一晚更緊張至失眠，她說：「音樂方面第一次單拖出席，好唔習慣、好唔適應，平時有阿嬌一齊，冇阿嬌冇安全感。」阿Sa表示領獎一刻感觸良多，因獎項是兩人努力成果，但近排不快事令她只能一人領獎，她希望未來頒獎禮能夠再與阿嬌一齊領獎。
對於文雋建議拆夥讓阿嬌走成熟路線？阿Sa說：「乜兩個人唔可以行成熟路線咩？大家畀嘅意見我哋可以接受，前面嘅路唔知點，我同公司同阿嬌搵緊一個比較舒服方法去做。」
獨自上台騰雞
阿Sa表示上台前收到阿嬌的打氣短訊，落台後阿Sa便覆「好驚、震晒」。有傳阿嬌與麥浚龍外遊，問到阿嬌短訊是否外地發出？阿Sa說：「唔係，喺香港，激死人啦。」對於內地有民眾上街及認為淫照男女藝人應該退出，Mani搶答說：「我諗唔再討論呢個問題，再回應對當事人有影響同埋傷害。」
此外，近日有傳陳文媛（BoBo）懷孕三個月，其好友何韻詩表示不作考究，問到BoBo有沒有請她飲喜酒？阿詩說：「冇提過呢樣嘢。」黃家強大前晚與黃貫中（Paul）前後腳睇騷，他解釋當晚趕入場睇自己樂隊Kolor演出而無做訪問，並非避阿Paul，若果見面都會打招呼。有指Beyond重組為網站演出，他說：「個騷係三個人個別出席，只係同場演出，唔係Beyond名義，我見到阿Paul都唔會尷尬。」
採訪：馬建華
攝影：陳志嵐
