有「廟街歌王」之稱的尹光前晚舉行有味演唱會，雖然粗口和鹹濕笑話滿場飛，不過觀眾卻看得非常高興，尤其當表演嘉賓盧海鵬和朱咪咪分別以羅文和旺角流鶯造型出場，掀起整晚高潮，令觀眾拍爛手掌。
尹光前晚在尖沙嘴文化中心舉行「尹光08好過癮演唱會」，表演嘉賓有盧海鵬和朱咪咪，尹光的太太李麗儀也上台獻技。尹光貫徹一向的不文作風，大講鹹濕笑話，爆笑連場。尹光與太太合唱數首國語歌，其中有歌詞是「在冬天你掉下去」，尹光卻多次加重「掉」字聲線。其後尹光又指着太太說：「我入錯女廁會俾女人扑濕頭，你就有着數，你入錯男廁就叫你『嚟啦嚟啦』！」他又說：「我永不言休，亦都唔會攞獎，因為好似關海山同肥姐咁，攞完獎就落埋去㖭，所以我會繼續唱。」
盧海鵬則以一身羅文look出場，大唱《激光中》、《醉眼看世界》和《前程錦繡》，還大扭屁股，他笑說：「唔好誤會，嗰個已經去咗幾年，我扮佢咁多年都有啲味道，係乸乸哋嘅味道，我自己都頂唔順，羅文早期啲歌冇咁乸，不過啲動作都係咁衰。」
觀眾大叫「好索」
至於朱咪咪就以旺角流鶯扮相上陣，露出一雙「肉腿」，但觀眾竟大叫：「好正，好索！」有觀眾送利是給她，她隨手塞入胸內，她自言做得奶奶角色多，胸前多了一個櫃放錢。她說：「唔好望我走光，未見過咁靚嘅靚女咩？我對社會好有貢獻，同男人降火喎。」其後尹光在慶功宴上謂演唱會值80分，談到在台上跟太太調情，他謂太太不會嬲，皆因他們是最夾的一對，尹太笑說丈夫平日也愛講鹹濕笑話。
採訪：駱華齡
攝影：葉君海