正值流感高峯期，人人聞感冒色變。網友「大眼肥妹」大數缺德同事惡行：「我有個同事好乞人憎，自己係咁咳，係咁打乞嗤都唔戴口罩，唔見佢食藥，係咁噴菌。我哋起碼有成四個同事噚日已經覺得頭痛，嬲起上嚟，佢唔戴口罩我咪戴囉！」「可樂魚」建議樓主嘗試用輕鬆口脗勸同事戴，豈料原來該同事連上級勸喻都懶理，表明「唔會戴」。樓主續稱，胞姊所屬公司有同事「咳到甩肺仲特登唔戴口罩周圍行」，實行要人陪葬，結果最後半數人染病。
「Shirley73a」大嘆類似情況其實「周街都係」；「豬仔mami」更試過排隊時被後面鼻塞男人「噴到成頭菌」！Net人勸各位，在此非常時期如不幸染病，切勿四圍走呀！
http://forum.baby-kingdom.com/viewthread.php?tid=1311943&extra=page%3D3