「港樂鄭中基．梁漢文」演唱會明天起於紅館演出三場，鄭中基和梁漢文昨日到紅館綵排，鄭中基不時拿着新買的相機拍攝記者及綵排情況。對於有機會於紅館與香港管弦樂團合作，二人均感雀躍，梁漢文說：「開騷前兩日可以實地排已經好好，聽日就會全場試一次。」
不滿文雋批評
問到鄭中基可有邀請緋聞女友蔡卓妍（阿Sa）欣賞時，他說：「有請，不過未覆。」問到早前文雋稱Twins應拆夥，又建議阿嬌接拍情慾片一事，他即說：「文雋講嘢都好聽嘅？咁講唔係幾好，話晒（Twins）都係佢後輩。其實佢哋喺電影各方面都係分開，係唱片一齊啫，我覺得如果佢哋本來想分開就OK，因為呢件事就唔抵，畀多少少時間佢哋休息同調理先係正面做法。」
採訪、攝影：藍文浩