王友良噚日去商台做訪問，但就猛拎住個玩具周圍整蠱人，有人上當佢就哈哈笑，佢話：「其實我唔係成日整蠱人，但以前喺外地讀書，返親香港就會打電話整蠱朋友。試過扮稅局嘅人打電話畀朋友，個朋友真係好老實答我嗰年賺咗幾多錢、買咗乜嘢股票。」佢仲話幫過朋友𠱁個女仔去日本，然後求婚成功㖭。王友良把口咁叻，唔知識唔識𠱁樹上隻雀仔呢？