男子組合野仔噚日去商台做訪問，佢哋唔單止下月初出新碟，仲會喺下月18同19號喺九龍灣展貿中心舉行音樂會，佢哋有信心一千個座位會爆滿，成員少爺占（右）話：「試過喺酒吧做騷，得七個人嚟睇，其中五個係自己朋友，不過五年後再開騷就有八百人睇喇，所以今次都好有信心。」問到表演嘉賓，野仔就話搵咗林一峰，另外又想請江若琳同李彩華。