打PS3隻《GT5P》，就如預覽08車壇新款一樣，率先揸到好多未見街嘅新車。繼十代露筍、GT-R後，今勻輪到凌志跑車級嘅ISF。早前《Car通》已報道過代理搶先有左軚版到港，喺香港未揸得住。碰啱筆者喺上周到訪尖嘴某車展，驚見水貨原來亦已到港，仲要係出得牌揸得出街嘅右軚版，可惜車行謝絕採訪，不過我都嗱嗱臨影幾張相。暫時收到風尚未有大貨到港，目前呢架「全港唯一」，叫價起碼過百萬。好彩車行Sales已答應大貨到港後，畀我過吓手癮，到時一定為大家作詳盡試車報道。數數吓，下一款值得期待嘅超跑輪到寶馬架135i喎。
記者：徐影龍
攝影：陳陶鈞