天氣轉，冬去春來，「街市男」劉晉又出動，皆因大批春暖靚食材已運到各街市。今回劉晉帶我們到面積大、平貴貨俱備的灣仔太原街街市，買到少見的獅頭魚、健味豬，連甜品的椰絲都是全港數一數二，跟他買完餸，就知今餐又有食神降福咯！
記者：廖秀娟
攝影：楊錦文
示範及菜譜：黃色門廚房主持人劉晉（28586555）
齊全街市在太原街
劉晉說灣仔太原街市的特色是檔口特多，「有老字號製麵舖、椰子香料店，亦有『時尚』的健康豬肉檔，食材由平貴、中西、古今、大路至罕有的皆有供應，是港島區最齊全的街市。」
劉晉即時帶我到海鮮店輝記見識巨型花蟹與小獅頭魚；港島區唯一發售健味豬的亨昌肉檔，買少油的豬面筋；還有三代經營的超記蛋檔，學分辨滾湯與蒸餸鹹蛋；再到香料老字號成發，買鮮製椰漿椰絲……他興奮得有如逛街市版Sogo。
街市男劉晉
澳洲留學歸來，在父親（名藝術及食評家劉健威）的私房菜館學師3年，天天街市買貨。現於city'super當客席烹飪導師。
生菜膽炒獅頭魚球
製作時間：30分鐘
4人份量
獅頭魚肉鮮甜嫩滑，唐生菜膽亦特別嫩甜，難怪已故賭聖葉漢晚年無牙亦愛盡情享受。
材料
唐生菜2棵、獅頭魚8両（起肉）、蒜茸1茶匙、生粉1茶匙、鹽11/2茶匙、蛋白1茶匙、薑1片
做法
1.獅頭魚洗淨後起肉，以生粉、蛋白和1/2茶匙鹽醃魚片。唐生菜洗淨，剪去葉邊，只留中心部份。
2.燒熱鑊加油，將獅頭魚片泡油至魚肉轉色後撈起。
3.燒熱鑊，以薑及蒜起鑊，加入生菜膽，再加少許水及鹽兜炒，加入魚片輕力兜炒約一至兩分鐘便成。
貼士
一定要趁熱食，稍凉便覺魚腥。
李小姐：獅頭魚點先叫靚？大概幾錢斤？點煮最好？
答：魚身完整，色澤金黃，越大條越靚。大條的約八十多元一斤，細條的可以平一半。
下面嗰條比上面嗰條金黃得多，即係新鮮啲；有成兩隻食指咁長，好少有，所以賣成$80斤。最適合蒸和煮，肉質鮮甜又嫩滑。
梅菜蒸豬面筋
製作時間：25分鐘
4人份量
豬面筋比平常少油，但仍不失嫩滑，最難得是久違了的豬肉香味，健味豬果然值得推介。
材料
鹹梅菜1棵、葱花少許、健味豬面筋10両、生粉/生抽/糖/米酒各1茶匙、胡椒粉少許
做法
1.豬面筋切片，梅菜切粒，兩者混合，加入生粉、生抽、糖、米酒及胡椒拌勻。
2.大滾水上大火蒸20分鐘，撒上葱花便成。
蔡小姐：豬面筋點切至好？
答：依着它的橫紋直切，切斷它的油筋位才會不韌。
鹹蛋芥菜湯
製作時間：30分鐘
4人份量
以生芥菜葉與滾湯相合，味道比慣常的芥菜湯有點西式況味，很別致的中西合璧。
材料
鹹蛋3隻、芥菜1斤、薑2片、豆腐1磚
做法
1.芥菜留下末端的嫩葉，切成近茸狀的幼絲備用；豆腐切成幼絲，浸在凍水中。
2.大鍋煲滾8杯水，加入薑、芥菜以中火煲15分鐘至大滾；另一邊煲熟鹹蛋去殼開邊，蛋白切粒，蛋黃切半留用。
3.大湯碗中放入芥菜茸，湯大滾15分鐘後，以無渣滾湯倒入芥菜茸中，並隨即輕力加入豆腐絲，讓滾湯灼熟芥菜茸與豆腐絲。最後加入蛋黃在上面便成。
劉小姐：煲湯同蒸餸鹹蛋有分別？
答：滾湯可以鹹一點，蛋較輕身（右）；蒸餸就不要太鹹，蛋要重身，即尚未醃至收縮。
椰絲酥卷
製作時間：15分鐘
2人份量
新鮮熱辣的椰絲酥卷超好味，成發的新鮮椰絲極新鮮清甜，真是名不虛傳！
材料
FilloPastry6塊、椰絲1碗、檸檬葉4片、杏仁粒少許、糖3湯匙、牛油/蛋黃少許
做法
1.檸檬葉切絲，混入椰絲中；杏仁烘至香脆；焗爐預熱，焗爐盤鋪上焗爐紙。
2.取3塊Fillo皮，每層之間掃上牛油，放上椰絲及糖做餡，捲成條狀，面掃少許蛋黃；同樣步驟再做另一條。
3.放入焗爐以150℃火焗10分鐘即成。
Joey：家中沒焗爐，用小型多士焗爐點處理？
答：可以，以大火焗10分鐘一樣得。
網上重溫
http://cooking.appledaily.com