黃家強和黃貫中（Paul）近年勢成水火，一直夾在他們中間的葉世榮，對於兩位兄弟有機會同台破冰，感到很高興，還謂時間能令彼此冰釋前嫌。至於家強和阿Paul前晚也巧合地同場欣賞樂隊Incubus演唱會，但問阿Paul會否跟家強傾偈時，他卻說：「今日係睇騷，唔係傾偈。」
黃家強和黃貫中近年屢傳不和，不過有指他們將在梁翹柏的音樂會中破冰同台演出，巧合地，前晚兩人前後腳欣賞樂隊Incubus演唱會，家強拖着日籍太太姍姍來遲，未有回應記者提問就匆匆趕入場。阿Paul則跟友人到場，他表示很喜歡Incubus，希望可以聽到他們唱早期的作品，之後記者表示家強也在會場內，問阿Paul會不會跟家強傾偈？他說：「今日係睇騷，唔係傾偈。」
「畀時間大家」
此外，葉世榮昨日在觀塘拍攝亞視節目《今日法庭》，談到黃家強和阿Paul有機會破冰演出，阿Paul又謂不介意跟家強同台，世榮不禁叫好道：「我都希望佢哋好，我都相信過一排就冇嘢，就算係幾耐都好，大家一定會冰釋前嫌。發生誤會都唔會話聽日就解決到，等大家冷靜吓。」
不知世榮這件夾心餅有否加把勁拉攏家強和阿Paul一起演出？他說：「男人嘢唔好太刻意，畀時間同空間大家，就好似以前家強話家駒爭佢100蚊冇還，佢兩兄弟嘈起上來，中間仲夾雜好多術語，之後仲拉埋其他嘢講，最後佢兩個咪又係冇事，所以我絕對相信佢兩個會冇事。」
再問世榮知不知兩位兄弟屆時會否出席梁翹柏的網站開幕禮兼音樂會？他說：「我唔知佢哋，我就會出席呢個朋友嘅網站開幕，我都唔知主辦單位有冇請佢兩個，但我相信有請嘅話，佢哋都會出席，但演出時就應該唔會以Beyond身份出席。」
採訪：楊潔雯、羅慧敏
攝影：陳慧安
