【本報訊】新婚婦指遭女密友偕情夫迷姦及騙玩「3P」案，V太太指稱經歷四次淫行後意圖報警，並先購買錄音筆偷錄與被告的電話對話，電話中，被告反指V太太扮醉「𠱁」他上床，甚至餵他食春藥。V太太庭上嗚咽說：「佢完全歪曲事實，我冇𠱁佢上床呀！」記者：梁瑞珮
昨日V太太繼續在高等法院作供，被問及從短片見她看似享受，她解釋並非享受，只為取回聲帶及短片，沒有其他辦法下，要麻木自己，又稱她當女密友黃慧心（阿心）是朋友，但已不喜歡她，也不喜歡被告陳俊圖。
她於去年4月19日報警前曾致電被告，並買下錄音筆偷錄雙方對話，控方播放部份錄音片段，聽到她不停追問被告如何處理照片，又哀求被告勿騷擾丈夫及家人。
被告否認保存淫照，「乜相呀……？影得咁渣，我都唔想睇……，個model（指Ｖ太太）咁渣，揸機嗰個冇問題，model表情唔得……，你冇嘢喺我度喎，咁×渣嘅嘢我唔會要！」
「話唔定畀春藥我食」
對話提及去年1月13日晚事件，被告反斥V太太「×你老×，𠱁我上床，同我上床時嘻嘻哈哈，玩×完就話飲醉、唔想㗎！你咁樣仲唔係玩弄感情！」V太太否認玩弄感情，解釋稱：「我都話我病緊，上嚟之前食咗傷風同骨痛藥，你講乜呀？」被告還擊說：「我點×知你食乜藥，×你老×，食避孕藥又叫食藥喇！我點知你食乜藥……？話唔定你畀×咗啲春藥我食㖭呀！」
被告：唔好屈我呀！
被告續說：「你唔好當我儍，你話你飲醉，大家做錯嘢，我第二朝上嚟，你冇飲醉啦啩，好清醒啦啩……！你有報應㗎，做人做咁多陰質嘢！」
被告又指摘她：「你屋企人關我乜事，唔該你唔好屈我㖭呀！大佬，我正當人家，你𠵱家講到我，×你老×，講到我黑幫咁，大佬呀！大屠殺呀！」
V太太表示，阿心曾提及被告可能傷害她，故追問被告為何阿心指她將做主角，被告邊哈哈大笑，邊揶揄她：「做主角？做乜戲呀？你拍廣告咩？你唔係恨做主角咩……？大陸製作，必屬佳品！哈！哈！我真係成世人都俾人玩，但我又唔會玩人嘅，我真係做唔出呢啲……！」
「第一次之後好自責」
主控官問V太太，四次事件中有否「𠱁」過被告上床？她激動不已，嗚咽說：「佢完全歪曲事實，我冇呀，從來都冇咁做過……，我極度難受，晚晚發噩夢，我第一次之後已經好自責，點解要咁對我！」
她供稱，事件影響她健康狀況，現時仍接受心理輔導及精神治療，需服用抗抑鬱藥及鎮靜劑。辯方指她自願參與四次淫行，將於今日繼續盤問她。案件編號：HCCC246/07