孌童罪犯重複犯案時有所聞，社會各界甚至法庭多次要求政府設立性罪犯資料庫，但如今仍然只聞樓梯聲。有家長及專家直指政府反應過慢，要求當局盡快研究有關制度的利弊及訂定查閱程序，「多一個受害者都嫌太多！」
收緊補習社發牌
家長聯盟主席陳小珠指，家長有責任小心挑選補習社，而政府亦應收緊補習社的發牌制度，並盡快設立性罪犯資料庫，「係可能會引起私隱問題，但站在家長立場，知多啲比較好」。
防止虐待兒童會總幹事雷張慎佳則提醒家長：「千祈唔好以為畀錢請咗老師、或者有義務導師就安心，要時刻保持警覺。」她又希望當局對本案被告進行治療及輔導，必要時可於他出獄後繼續跟進。
雷張慎佳又認為政府06年已開始研究設立性罪犯資料庫，惟至今未有結果，時間太長，「類似個案嘅犯人，重犯率高，康復率低，唔係想高調宣揚邊個係罪犯，只係想平衡社會大眾及兒童之間嘅利益」。
城市大學犯罪學課程主任黃成榮亦贊成盡快設立資料庫，「啲罪犯冇識認個喎，專家都估唔到啦，點知佢有冇前科」，但他認為有關查閱程序必須非常嚴謹，以保障私隱，「可以叫查閱嘅家長簽署聲明，不可發佈有關資料，甚至要求查閱者唔可以抄低或者列印內容，只可以去特定嘅地方睇」。
黃成榮又批評政府處事太慢，「作為學者甚至市民，我都想知政府研究到咩地步，公眾有知情權嘛，但政府一直冇主動交代」。
商討資料庫利弊
黃成榮認為當局應盡快召集專家及學者，討論設立資料庫的利弊，以及設立和使用方法，「𠵱家起碼有一個性罪犯重複犯案，唔理重複犯案嘅比率有幾高，多一個受害者都嫌太多！」本報記者
你的意見?
你是否贊成設立性罪犯資料庫？
請電郵至：mailto:[email protected]