謝賢昨日帶同女友CoCo到墨西哥，拍攝無綫節目《向世界出發》，二人推着五大箱行李現身機場，四哥笑謂：「我啲身家性命財產呀。」他又騙記者謂女友是其助手，他笑說：「只拍嘢冇得玩，唔通TVB請你去玩咩？助手都係TVB揀嘅。」
臨別探Lucas
四哥謂今次拍攝不用劇本，劇組要問他甚麼問題都可以，但他又向記者說：「答唔答睇心情，如果你哋問啲嘢唔啱，我兜巴星你埋牆。」問到霆鋒與栢芝狀況，四哥說：「Verygood，我噚晚先去睇個孫，唔知幾好呀。總之呢啲新聞講咗咁耐，仲講就兜巴星你埋牆，掟你去行李帶。」
有傳栢芝再懷孕，四哥否認說：「我聽見就未係，佢鍾意生就生，佢應承我要生三個㗎。」四哥又大讚孫兒Lucas（謝振軒）很得意，但未識叫爺爺，他昨日接受電台訪問還說：「雖然佢仲未識講嘢，但已經認得我，佢𠵱家好得意，仲越嚟越似栢芝。」
採訪、攝影：駱華齡