黎姿近年豬籠入水，愛儲鑽石的她，更有不少收藏。她指自己對老公講心不講金，揚言只要搵到真心人，願帶埋鑽石首飾、大屋做嫁妝。
意國首飾品牌BVLGARI昨日慶祝金鐘新店擴充，請來黎姿、陳豪主持剪綵，名模AnaR.和Mikki等示範鑽飾。黎姿出動在巴黎買的私伙裙，戴上2,000萬元鑽飾，明艷照人。
「娶我有壓力」
自小偷戴嫲嫲首飾的黎姿，一直有儲鑽石的習慣，她說：「我平時都有買，好鍾意名貴鑽石，我下個目標就係粉紅鑽，不過又貴又好難搵，早排有朋友買到1卡重，都要200萬。」她開口，應該不少人送，她說：「送就唔值錢啦，用自己錢買有意思啲。啲朋友都笑，話我鍾意鑽石，娶我都唔易，會有壓力。不過我還我，老公還老公，只要我鍾意，對老公係講心唔講金。」
黎姿續說：「我想搵個人品兼優，夾到又開心嘅，高矮肥瘦唔拘，搵到，我帶埋嫁妝、帶埋樓嫁都得！」她早前甜笑認與G先生蜜運，更憧憬結婚生子，昨日她一聽到記者提及，卻即時收口說：「我冇一個G先生，𠵱家仲係揣摩緊咋。」同場陳豪一談到情侶首飾，就迴避說：「好耐喇，唔記得，都過咗去囉，係以前啲puppylove。」
北上唔擔心
此外，AnaR.與Mikki月底將齊齊到上海公幹，問到可會擔心內地航空安全？AnaR.說：「不怕，中國是一個強大國家，會處理的，我反而對911有餘悸，還有在美國出入境都很煩，每次都要查很久，又要貼身搜查，十分討厭。」
採訪：RitaLeung
攝影：ChanShunChing