上個禮拜五，《金融時報》（簡稱FT）有大篇幅報道，引述咗中國人民銀行行長周小川話，唔單止港股直通車仍在推進，而且仲可以投資海外。對於大陸股民嚟講，呢個本來係大喜訊，不過，噚日華華喺人行網站睇到一篇澄清嘅文章。
重點係，人行嘅澄清居然話，FT報道唔單止曲解咗周行長嘅原意，更大問題係，嗰位記者根本冇喺現場採訪。周行長開PC，等閒都一百幾十記者到啦，人行又點知嗰位老外記者冇喺現場呢？根據人行嘅澄清文章話，佢哋搵到嗰位作者JamilAnderlini，係佢自己承認收看完記招之後，根據個人理解撰寫篇文章嘅，記者本人並未在其他場合採訪周行長。
即係咁，華華就搵唔到呀老外記者，唔知佢係咪真係冇出席到周行長個記招，如果正如人行所言嘅話，咁老外記者雖然坦白得有啲可愛，但就認真唔專業，如果啲股民信咗佢，做出錯誤嘅投資決定，咁就麻煩嘞！